Сынып сағаты «Кім болам? ».

Тақырыбы: «Кім болам? ».

Мақсаты: Балаларға мамандық туралы жалпы түсінік беру, өзі ұнатқан мамандығы туралы ұғымын тереңдетіп, қызығушылығын арттыру. Еңбекке деген құштарлығын ояту. Үлкендердің еңбегін сыйлауға тәрбиелеу.

Сөздік жұмысы: аспазшы, дәрігер, жүргізүші, құрылысшы, мұғалім

Керекті құралдар: мамандық түрлеріне байланысты суреттер, мамандық иелеріне керекті құралдар.

Шаттық шеңбер:

Бақыт толы шеңберге,

Шаттық толы шеңберге,

Қол ұстасып келдік біз,

Жан достармыз енді біз.

Жұмбақтар жасырады:

v Аялаймын барыңды,

Аштырмаймын қарныңды.

Тосырқамай кел күнім,

Тойғызамын бәріңді. (Аспазшы)

v Іш ауырса, тіс ауырса,

Бізге дәрі береді.

Барлық бала, барлық ана,

Оны жақсы көреді. (Дәрігер)

v Қолымда алтын қалағым,

Зәулім үйлер саламын. (Құрлысшы)

Дидактикалық ойын: «Мамандықтың бәрі жақсы»

Мақсаты:Балаларды әр түрлі мамандықпен таныстыру,еңбекті құрметтеуге дағдыландыру,өз еліне пайдалы бола білуге тәрбиелеу.

Көрнекіліктер:әр түрлі мамандықтар суреттері

Ойын барысы: суреттер тақтаға іленеді. Бала өзі қалаған мамандығын қарап алады да,сол мамандық туралы әңгімелейді. Неге ұнататынын,қандай жақсылығы барлығын әңгімелейді.

Дыбыстық жаттығу:

«Зе-зе-зе,зе-зе-зе – бұл шынылы терезе»,

«За-за-за,за-за-за – үйдің іші тап-таза»,

«Зу-зу-зу,зу-зу-зу – күрекпен жерді қазу»,

«Са-са-са, са-са-са – ызыңдайды маса

Дидактикалық ойын: «Кімге не керек?»

Мақсаты: мамандықтарға не қажет екендерін атап, керекті заттарын орналастыруларын сұрайды.

Мамандықтарға не керек екенін айтады, суреттерін қыстырғышпен орналастырады.

Дидактикалық ойын:«Мен кім болам?»

Мақсаты: болашақта қандай мамандықты таңдайтындарын, не үшін таңдайтындарын айтады.

Рефлексивті – түзетушілік:

Сұрақтар:

- Қандай мамандықтармен таныстық?

- Еңбек туралы қандай мақал-мәтелдер білесіңдер?

1. Еңбек түбі - береке.

2. Еңбек түбі - зейнет.

3. Еңбегі аздың өнбегі аз.

Күтілетін нәтиже:

Білу керек: мамандықтардың атауларын, не істейтіндерін, пайдаланатын заттарын.

Болу керек: мамандықтар туралы мәлімет.

Істей білу керек: сұрақтарға толық жауап беруді, жұмбақтарды шешуді, өлеңдерді жатқа айта алуды.