Тәрбие сағаты "Мамандықтың бәрі жақсы"

Тәрбие сағатының тақырыбы: «Мамандықтың бәрі жақсы»

Мақсаты: оқушылардың ойлау қабілеттерін дамыта отырып, болашақ мамандыққа байланысты ұғымдарын тереңдетіп, қызығушылықтарын арттыру. Жұмыстың мазмұнымен, мағынасымен айрықшаланатын мамандық әлемінң түрлілігі туралы түсінік қалыптастыру.

Оқушылардың бойына жақсы қасиеттерді сіңіру, мамандық таңда білуге, еңбексүйгіштікке тәрбиелеу.

Бағыты : саяси-құқықтық,патриоттық,экологиялық,адамгершілік,салауаттылық.

Әдіс-тәсілдері: Түсіндіру, әңгімелеу, сұрақ-жауап

Көрнекілігі: мамандық суреттері.

Барысы: I. Ұйымдастыру

ә)Ақпараттық шолу.

ІІ Негізгі бөлім / Сынып сағатының барысы/

Балалар, бүгін біз мамандық туралы әңгімелесеміз. Айтыңдаршы, маман дегеніміз не? Белгілі бір мамандық иесі болу үшін не істеу керек?

- Ендеше әрқайсымыз өз қалаған мамандығымызды айтайық.

- Мамандық дегеніміз – адамның еңбек қызметінің түрі.

Мамандық таңдау да мектеп қабырғасынан басталады. Сондықтан бүгін өзіміз қалаған мамандық туралы өз ойымызды айтамыз.

Әсемпаз болма әрнеге

Өнерпаз болсаң арқалан

Сен де бір кірпіш дүниеге

Кетігін тапта бар қалан,

-деп өмірден өз орнын тауып, елімізге қажетті кәсіп иесі болу бәріміздің арманымыз.

Біздің таңдауымыз да әртүрлі. Біреуің ертең ақын, екіншің инженер, үшіншің құрылысшы боласың. Жаман мамандық жоқ. Мамандықтың бәрі жақсы.

• Ал, балалар, кім мамандық пен еңбек туралы мақал – мәтелдер біледі?

Еңбек түбі - береке.

Еңбек түбі - зейнет.

Ерінбей еңбек етсең – ерінің асқа тиеді, Ерініп ілбіп кетсең – иегің тасқа тиеді.

Біліп істеген мақсатына тез жетеді.

Сайф Сарайи

Еңбегі аздың өнбегі аз.

Ұстаның бізі сүйкімді,

Жақсының сөзі сүйкімді.

Алтын менен күмісті

Зергер үшін жаратқан.

Арқар менен құлжаны

Мерген үшін жаратқан.

Шебердің инесі де алтын,

Соққан күймесі де алтын.

Шеберді саусағы асырайды.

Қойшыны таяғы асырайды,

Қасқырды аяғы асырайды.

Сен істі сүйсең, іс саған бас иеді.

Еңбек қылмай ер оңбас,

Бірлік қылмай ел оңбас.

Күн шыққан соң суарған суды

Күн жұтады,

Күн батқан соң суарған суды

Жер жұтады.

Қолыма жұмыс бергенің – жаныма тыныс бергенің.

Күндіз қойын күтерсің, кешке жүнін түтерсің.

Тігіншіні инесі асырайды.

Ащы еңбектен тәтті нан.

Жаман іс жоқ, жаман ісші бар.

- Ал енді еңбек пен мамандықтың айырмашылығы неде деп ойлайсыңдар?

2 – оқушы: Еңбек – адамның қызметі материалдық және рухани жағдайын құруға бағытталған. Еңбек әрқашан мақсатты, яғни әрдайым нәтижелі болу керек.

3 – оқушы: Ал мамандық – еңбек қызметнң түрі, ол арнайы біліктілік пен білімділкті талап етеді.

4 – оқушы: Мамандық латын тілінен аударғанда ресми көрестілген іс. Мамандық иесі олу үшін әдейі оқу керек.

• Сонымен балалар, белгілі бір мамандық иесі болу үшін арнайы оқу керек екен.

- Балалар, сендер қандай көлік түрлерін білесіңдер?

- Машина, ұшақ, кеме, мотоцикл, велосипед, т.б.

- Ал қандай сусын түрлерін білесіңдер?

- Шай, какао, сүт, айран, қымыз, кофе, шырын, т.б.

- Қандай мамандық түрлерін білесіңдер?

- Мұғалім, кітапханашы, аспаз, есепші, сәулетші, зергер, дәрігер, шахтер, загер, тігінші, т.б.

- Балалар, сендер қандай мамандықтықтарды көбірек естисіңдер?

- Мұғалім, кітапхнашы, аспаз, есепші, сәулетші, зергер, дәрігер, шахтер, загер, тігінші, т.б.

Ал енді, балалар, қазір «Мамандықтың бәрі жақсы» деген ойын ойнаймыз. Қазір мен сіздерге мамандықтар жазылған карточкаларды үлестіріп беремін. Ал сендер сол мамандық туралы білетін өлең, тақпақты айтып беріңдер.

Дәрігер:

Ақ халатты киемін,

Аппақ болып жүремін.

Аппақ болып жүргенді,

Өзім жақсы сүйемін.

«Дәрігермін» мен деймін,

Кәрі әжемді емдеймін.

«Көп – көп ішіп дәріні,

Кәрілікті жең» деймін.

Ұшқыш: Ар- намысын сақтаған

Жүректе сыр жаттаған

Жан тәнімен сақтаған

Ұшқыш болғым келеді

Инженер: Мен инженер боламын

Жерден алтын табамын

Жолын қуған әйгілі

Академик ағаның

Ақын: Ал мен ақын боламын

Сусылдаған қаламым

Адамдардың жүрегін

Жырмен жаулап аламын

4. Ойын: «Кім жылдам?»

Үстел үстіне түрлі мамандық иелеріне қажет құралдарды қойып, екі баланы шығарамын, ойын шартын түсіндіремін. Екі бала екі түрлі мамандық иесіне қажет құралдарды екі үстелге бөліп жинайды (шаштараз-аспаз, мұғалім-дәрігер).

5. Ойын: «Қай мамандық иесі?»

- Тарағы бар қолында,

Кімді айттым ойымда? (шаштараз)

- Қалағы бар қолында,

Кімді айттым ойымда? (Құрылысшы)

- Ожауы бар қолында,

Кімді айттым ойымда? (Аспаз)

- Күрегі бар қолында,

Кімді айттым ойымда? (Диқан)

ІІІ Қорытынды бөлім / тәрбие сағатын бекіту/

Абай атамыз айтқандай «болмасаң да ұқсап бақ, бір ғалымды сүйсеңіз. Ондай болмақ қайда деп, айтпа ғылым сүйсеңіз» дегендей алға ұмтылып арманымызға жетіп, мамандық иесі болайық.