Талғат Бигелдиновтың 100 жылдық мерейтойына арналған іс-шараларының есебі

«Кең ауылының негізгі орта мектебі»КММ

Талғат Бигелдиновтың 100 жылдық мерейтойына арналған іс-шараларының есебі

Биыл елімізде Талғат Жақыпбекұлы Бигелдиновтың 100жылдық мерейтойы аталып өтуде. Талғат Бигелдинов  қазақ ұландарына Отан қорғаудың өшпейтін өнегелі ізін қалдырған батыр.  Ол көк жүзінде қаһарман ерліктердің ерекше үлгісін көрсеткен аты аңызға айналған айтулы тұлға.

Мақсаты:  Кеңес Одағының Батыры атағын алған  Талғат Бигелдиновтың ерлік істері туралы әңгімелеу, өмір жолын, ерлігін танытып және үлгі өнеге тұту.

 1922 жылы 5-тамызда Сарыарқа даласында, Ақмола облысының Майбалық ауылында дүниеге келген. Өзінің әскери өмірінде жауынгерлік барлау, немістің шабуылдаушы ұшақтарына шабуыл жасау секілді жүздеген оқиғалар болады.

Талғат Жақыпбекұлы өзінің алғашқы «Алтын жұлдыз» медалі мен Кеңес Одағының Батыры атағын 1944 жылы алды. Оның басшылығындағы ұшақтар Кировоград пен Знаменка қалаларын батылдықпен қорғады. Бір жыл өткен соң Бигелдинов сол атаққа екінші рет ие болды.

Кеңес Одағының Батыры Талғат Бигелдинов соғыста екі жыл ғана күрес жүргізсе де, бірақ осы уақыт ішінде 305 әскери шабуылға шығып, көптеген ұшақтарды құлатып, жүздеген командалық тапсырмаларды орындады. Ол Берлин үшін жүргізілген шайқастарға қатысып, мыңдаған жауынгерлермен бірге Қызыл алаңда жүріп өтіп, 23 жасында Кеңес одағының екі мәрте батыры атағын иеленіп, елге нағыз батыр ретінде оралды.

Соғыстан кейінгі қиын кезеңде ол оқуын жалғастырып, Мәскеудегі Қызыл Ту әуе күштері Академиясына түсті. Талғат Бигелдинов майданда жүрген кезінде-ақ коммунистік партияға қосылып, партияның съездері мен іс-шараларына белсенді қатысты.

2014 жылдың 10 қарашасында белгілі ұшқыш осы дүниеден озды. Оның ерлігінің құрметіне және 9 мамырдағы жалпы жеңістің құрметіне 2000 жылы Көкшетау қаласында Ұлы Отан соғысының даңқты батырының қола мүсіні қойылды.

Мектебімізде 5қыркүйек айынан бастап Талғат Бигелдинов Кеңес Одағының Батыры атағын екі рет алған ұшқыш жауынгер, ерлік істері туралы әңгімелеп,  сынып сағаттары, кітапханада көрме бұрышы жасалып, мұражай сабағы, cпорттық жарыстар,бейне материалдар оқушыларға таныстырылып, оқушылар бойына патриоттық, отан сүйгіштікке баулу арқылы елін, жерін қорғаған батырларды құрметтеуге, мақтаныш етуге ұлтжандылыққа тәрбиелеу.

Бастауыш сыныптарда сынып сағаттары өтті: 1-4  сынытарында «Ұшқыш Талғат Бигелдинов», « Қыран қазақ», «Қазақтың текті қыраны- Талғат Бигелдинов», «Ерлік – ұрпаққа ұран» атты сабақтар өткізілді. Жоғары 5-9 сыныптар арасында, мұражайға саяхат сабағы, арқылы сұрақ- жауаптар алынды. Оқушылар өз ойларын ортаға салды.  Мектебіміздің кітапханасында бұрыш жасалды.

Қорытындылай келе оқушыларымыз Талғат Бигелдиновті ерекше мақтан тұтуға, осындай батыр ағасына еліктеп жақсы азамат болып өсетіндерін жеткізді. Бүгінгі өміріміз үшін құрбан болған батыр бабаларымызды ешқашан естен шығармаймыз, ұмытпаймыз!