Ата-аналарға тренинг

Тренинг  тақырыбы

Жеке тұлға тәрбиелеуде ата-ана мен мектеп арасындағы байланыс

 (ата-аналарға арналған тренинг)

Мақсаты

• Отбасы тәрбиесіндегі ата – ананың

балаға тәрбиелік ықпалын арттыру.

• Тәрбиенің ең тамаша жері  отбасы екенін,

олардың бала тәрбиесіндегі мүмкіндіктерінің

жоғары екенін, баламен қарым – қатынасты

жақсарту

• Бала тәрбиесіне көп көңіл бөлудің маңыздылығын дәлелдеу
• Ата-ана мен мектеп арасындағы жағымды қарым-қатынасты орнату

 Күтілетін нәтиже

• Ата – аналар мен мектеп мұғалімдерінің арасында жағымды қарым – қатынас орнауы арқылы оқушылар арасында тәрбиелік деңгейінің көтерілуіне ықпал жасайды
• Ата – аналар арасында отбасы тәрбиесі туралы шынайы түсінік қалыптасады

Түйінді идеялар

Жастар арасындағы құқықбұзушылық пен қылмыстың алдын алу үшін отбасы мен мектеп ұжымдасып іс – қимыл жасауға жағдай тудыру

Іс-әрекет

Мұғалім  әрекеті

Тыңдаушының әрекеті

Бағалау

Топтастыру

Тренингке келген қонақтармен сәлемдесу.Тренинг тақырыбы мен мақсатымен таныстырып,

«Қорап» жаттығуын ойнаймыз.
Өз тілектері бойынша 3 қатысушы ортаға шақырылады. 1 қатысушы аяғын  2 аяқ киім қорабына салады, ал, 2 қатысушы екі жағынан аяқтарын салып, бөлмеде жүрулері керек. 
1-тапсырма, екі жағындағылар бір-бірімен ақылдаспай бөлмеде жүреді; 
2-тапсырма, екі жағындағылар ақылдасып жүреді. Соңынан талқылауға сұрақтар қойылады: 
-Қозғалуға ыңғайлы болды ма? 

-Қай қатысушыға жылжу қиынырақ болды? 

-Ортадағы ойыншы қай кезде жеңіл, сенімдірек жылжиды? Екі жағындағы қатысушылар қозғалуға көмектесе отырып бір бағытта жүргенде ме, әлде, әр қатысушы өз бағыты бойынша қозғалғанда ма? 
Тренер: Ортадағы адамның жағдайында бала тұрады. Бір жағында -мектеп өз тәрбиедегі істерімен, талаптарымен, міндеттерімен, күтілетін нәтижесімен, ал екінші жағында- отбасы, тәрбиедегі өз тәсілдерімен, көзқарасымен, күтетін нәтижесімен тұрады. Бала мектеп пен ата-ананың күтетін нәтижесіне сәйкес келіп, ата-ана мен мектептің талаптарын орындауы қажет. Баланы тәрбиелеу мен оқытудың нәтижелілігі, педагогтар мен ата-ананың ынтымақтастығы мен түсіністігіне байланысты. Біз 2 топқа бөліндік, әрбір топ жеке патшалық болып есептеледі. 

1. Ата-аналар патшалығы; 

2. Ұстаздар  патшалығы. 
 

Ата – аналар тренинг тақырыбымен танысқан соң.Мұғалім нұсқауымен бөлінген топтар ортада орналасқан үстелдерге жайғасады.

1 тапсырма

Постер қорғау

1.«Патшалықтың таңбасы» жаттығуы. 
Әрбір мемлекеттің өз белгілері (гербтері) болады, әр патшалықтың тұрғындары өз елтаңбасын құруы керек. (А3 қағазына әрбір топ өз таңбасын салып, таныстырады.) 

2.«Біздің сезімдер» тапсырмасы
Ата-аналар патшалығы Ұстаздар патшалығымен шекаралас жатыр. Патшалықтың тұрғындары бір-біріне экономикалық, политикалық жұмыстармен саяхатқа жиі барып тұрады. Мұндай сапарлар кейде қызықты, сәтті болады, ал кей кезде онша жағымсыздау болады. Әрине үйде, өз туған территорияңда, өз патшалығыңда болғанда қандай сезімде, ал басқа мемлекетке өз көзқарасыңмен, ережеңмен, өз заңымен барғанда қандай сезімде боласың? Әртүлі жағдайда біз әртүрлі сезімді бастан кешіреміз.

Көрініс: «Мен»

1.Ата-аналар патшалығы

Осындай жағдай неге? Қай кезде орын алады?

2.Ұстаздар патшалығы

Осы жағдайды қалай жоямыз?
Талқылау. -Әртүрлі мемлекеттің сезімдері ұқсас келеді. Өз туған территориямызда біз қауіпсіздік, жайлы сезінеміз, ал басқаның территориясында- түсініспеушілік бола ма деген қорқыныш, қобалжу сезінеді екенбіз. 
 

Ата – аналар топтары мұғалім берген тапсырманы бірігіп топта орындайды.

Белгіленген уақыттан соң топ арасынан бір адам немесе топ бірігіп орындаған постерін қорғайды

Жетістіктер мен кедергілер кестесі бойынша топтар бір біріне кері байланыс береді

2 тапсырма

Жағдаяттар

Мұғалім сөзі: «Баланың ісі шала», «Балаң нашар болса, түйенің үстінен ит қабады» демекші, кейде балаға ұрсуға тура келеді. Сіз балаңызға не деп ұрсасыз? Деген тақырыпта патшалықтарға жағдаяттық тапсырмалар тарату

• Ата-аналар патшалығы: «Балаңыз  мектептен ашуланып келді.        Мұғалімнің ұрысқанын, енді  сабаққа барғысы келмейтінін айтты. Сіз қалай әрекет  етер едіңіз? Рөлде: ата-ана, бала, мұғалім.
• Ұстаздар патшалығы:  «Балаңыз күнде сабаққа кешігеді.Оны бақылап жүрген директордың тәрбие ісі жөніндегі орынбасары сізді мектепке шақыртты. Сіздің әрекетіңіз? Рөлде: ата-ана, бала, тәрбие ісі жөніндегі орынбасар. (Ойлануға 2 минут, сахналауға 2 минут)

Топтар берілген тапсырма бойынша белгіленген уақыт ішінде сахналау жасап ортада таныстырады

Топтар алған тапсырма бойынша топ ішінде кеңесіп,сахналық көрініс көрсетіп,өз түйінді ойларымен таныстырады

Жетістіктер мен кедергілер кестесі бойынша топтар бір біріне кері байланыс береді

Сергіту сәті

 «Айналмалы шеңбер» топта отырған барлық қатысушылар шеңбер болып отырады. Сізге қонаққа бір кісіні шақыру мүмкіндігі берілді.

Бүгін сіз қонаққа кімді шақырар едіңіз? Мен кімге гүлді ұсынамын сол кісіден бастайық.Қорытынды сөзді мұғалім айтады:  Яғни бұл әдістен біздің түйгеніміз, барлығымыздың сағынған бір кездескіміз келетін қимас адамдарымыздың бар екенін сезіну болатын.

Сергіту сәтіне барлық адам қатысып,жаттығу соңында ой-сезімдерін айтады

Қорытындылау

Рефлексия 

Жиналыс соңында әр топ негізгі тақырып баланың тәртібі мен тәрбиесін жақсарту үшін аса маңызды  ата – ана мен мектеп арасындағы ықпалдастықты қалай жақсартсақ болады деген сұрақ аясында 1қорытынды ойларын айтады.

Ата-аналар баланы тәрбиелегенде дәл өзіндей етіп тәрбиелеуге тырыспау керек, олар баланы өзінен де күшті етіп тәрбиелеуге тиіс. Өйткені, олардың заманы ата-аналарының  заманына қарағанда анағұрлым күрделі де талабы жоғары болатынын ұмытпаған жөн.

Ата аналар ата – ана мен мектеп арасындағы ықпалдастықты қалай жақсартсақ болады деген сұрақ аясында 1 тен кем емес қорытынды ойларын айтады